O 28 de febreiro presentouse no Centro Cívico da Cidade Vella a Estratexia da Infraestrutura Verde do Concello da Coruña.

O plan de Infraestrutura Verde busca crear unha cidade máis natural, máis saudable para todas as persoas e tamén máis comprometida. A Infraestrutura Verde configúraa unha rede potencial de espazos multifuncionais e de gran calidade ambiental, conectados entre si e transitables dende tódolos barrios. Para tódalas persoas, para termos un acceso máis igualitario aos espazos verdes e aos beneficios que nos proporcionan para a saúde, tanto das persoas como da natureza. O obxectivo é converter A Coruña nunha cidade pioneira na loita fronte o cambio climático.

Beneficios da infraestrutura verde:

  • Para a saúde física das persoas:
    • Contribúe á redución de contaminación no aire que respiramos
    • Diminúe os niveis de ruído derivados da circulación
    • Diminúe os niveis de raios UVA e UVB+ C que chegan ás persoas
    • Fomenta o exercicio físico ao aire libre, coa creación de espazos verdes destinados a ese fin
    • Aumento do confort térmico
  • Para a saúde psicosocial:
    • Un acceso á natureza máis igualitario en tódolos barrios
    • Fomento dun maior uso dos espazos verdes e naturais
    • Redución do estrés grazas ao contacto coa natureza
    • Fomento da economía verde local
    • Aumento da participación cidadá no deseño da cidade
    • Mellora da concetividade social
    • Fomento da contemplación e do desfrute estético da natureza
  • Para a saúde da natureza:
    • Conservación da fauna e flora e fomento da biodiversidade
    • Mellora da conectividade entre os grandes espazos verdes
    • Aumento da captura de carbono
    • Mellora da calidade da auga que chega ao mar
    • Prevención de inundacións pola mellora da infiltración da auga
    • Resistencia aos lumes forestais con especies adaptadas, especialmente nas zonas de máximo risco
    • Fomento da agricultura urbana…